Campaign Story

Kush jemi ne?

Unë quhem Jimmy Mustafa dhe jam në një grup muzikor rom të quajtur “Jimmy Mustafa Band” nga Plementina. Plemetina është një qytet i vogël në komunën e Obiliqit, Prishtinë. Një vend multietnik ku jetojnë bashkë shqiptarë, serb, rom, ashkali e të tjerë. Në vitin 2009, gjashtë të rinj rom bashkuan talentet e tyre për të krijuar një zhanër të ndryshëm të muzikës tradicionale rome dhe stile të tjera. Kemi dy studio albume, i pari i quhet “Posvetime” (Dedikuar) me 10 këngë dhe albumi i dytë “Romane Bajrakja” (Flamujt Romë) me 11 këngë origjinale. Gjatë vitit 2018 dhe 2019 grupi ka pasur turne në Zvicër dhe Gjermani.

Gjithashtu kam prodhuar muzikë për nëntë filma dokumentarë për romët si: Jek Kham Jek Sel, Naci Palem Khere, Sar Thuv, Live, Auschvic In Poland, Roki, etj. Unë kam punuar me fëmijët si mësues, duke i mësuar ata instrumentet si kitarë, kajon, piano dhe këndim. Jam themelues i qendrës për fëmijë dhe të rinj të quajtur Music 4 All, së bashku me miq nga Kosova dhe Zvicra.

Cili është qëllimi ynë?

Qendra jonë “Music 4 ALL” do të jetë një nismë që do t’u mundësojë fëmijëve dhe të rinjëve të zgjerojnë aktivitetet e tyre muzikore dhe artistike dhe të zbulojnë talente të reja. Music 4 ALL ishte dhe do të vazhdojë të jetë një shtëpi e dytë për çdo fëmijë dhe të rinj. Pjesë e këtij projekti do të jenë të gjithë ata që e duan artin e muzikës dhe duan të mësojnë këndimin dhe të trajnohen për studime të mëtutjeshme.

Music 4 ALL do të ofrojë kurse individuale dhe grupore të muzikës klasike dhe moderne si piano, klarinetë, cajon, kitarë, këndim, sport, video incizim, video montazh dhe aktivitete të tjera të nevojshme për fëmijë dhe të rinj. Do të ketë gjithashtu një orë arti/pikturë ku fëmijët do të krijojnë art përmes muzikës me ndihmën tonë.

Do të kemi edhe workshope, ku artistët do të ftohen të ndajnë eksperiencat e tyre me të gjithë. Ne do të regjistrojmë muzikë (këngë/albume) dhe gjithashtu do të organizojmë koncerte/evente, ku të gjithë do të jenë të mirëseardhur.

Si do të ndihmojë mbështetja juaj?

Me mbështetjen tuaj ne do t’u japim mundësinë fëmijëve dhe të rinjëve në Plementinë që të shfaqin talentin e tyre në muzikë dhe art.

Ne do të organizojmë aktivitetet e mëposhtme:

• Edukim muzikor
• Kurse për piano
• Kurse për klarinetë
• Kurse vokali/këndimi
• Kurse për kitarë
• Kurse për cajon
• Kurse për kompjuterë
• Kinema (transmetim i filmave)
• Kurse për pikturë

Do të ketë pesë kurse që ofrojnë seminare për kitarë, klarinetë, piano, cajon dhe vokalistë. Këto kurse do të ofrohen për të pasuruar dhe zgjeruar pjesën praktike, duke u mundësuar kandidatëve të fitojnë notat dhe aftësitë bazë në instrumente si dhe në këndim.

Buxheti

Gjithsej € 5 000,00