KAMPANJA

BASHKOHUNI ME NE NË RUAJTJEN E PYJEVE TË KOSOVËS

Kush jemi ne?

Sustainability Leadership Kosova (SLK) është një OJQ lokale e përkushtuar për të krijuar një të ardhme të qëndrueshme për Kosovën tonë. Nëpërmjet edukimit, konsulences dhe formësimit të lidhjeve në mes komunitetit, ne qëndrojmë të bashkuar nën lëvizjen #MoseMerrMalin. Qëllimi ynë është të trajtojmë çështjen urgjente të shpyllëzimit pëmes ndjeshmërisë dhe vetëdijësimit.

Ne shohim urgjencën për të vepruar!

Nëpërmjet hulumtimit tonë, imazheve satelitore dhe teknologjisë GIS, ne kemi fituar njohuri për gjendjën shqetësuese të shpyllëzimit në rajonin tonë. Rezultatet janë alarmante: mbi 2 hektarë të pyllit tonë të çmuar humbasin çdo ditë, e barabartë me madhësinë e 3.5 fushave të futbollit. Nëse ky trend vazhdon, deri në vitin 2035, pyjet e e Kosovës do të përballen me dëme të pariparueshme.

Qëllimi ynë: është të rivendosim ekuilibrin e natyrës dhe të ruajmë pyjet e Kosovës.

Si do të na ndihmojë mbështetja juaj?

Për të realizuar vizionin tonë, ne kërkojmë mbështetjen tuaj. Mbledhja e fondeve për lëvizjën #MoseMerrMalin synon të blejë Dronin Bujqësor DJI AGRAS T30 – një mjet kryesor në përpjekjet tona për ripyllëzimin. Ky dron inovativ, me aftësitë e tij të mbjelljes ajrore të farave, ofron një qasje efikase dhe efektive për restaurimin. Blerja e tij jo vetëm që i hap rrugën teknologjive të reja të mbjelljes, por gjithashtu hap dyert për iniciativat e para të ‘gjurmëve të karbonit’ në Kosovë.

Përtej dronit, aspiratat tona shtrihen në blerjen e pajisjeve mbështetëse thelbësore. Kjo përfshin një mbjellës farash, një makinë për veshjen e farave, një kompjuter farash dhe një bankë farash. Këto mjete formojnë themelin e përpjekjeve tona të restaurimit, duke na mundësuar t’i japim jetë tokës sonë të dashur në çdo cep të saj.

Qëllimi ynë për mbledhjen e fondeve: Ju ftojmë të filloni këtë udhëtim kuptimplotë me ne. Le të bashkohemi në përkushtimin, dhembshurinë dhe dashurinë tonë të përbashkët për atdheun tonë. Së bashku, ne mund të rivendosim harmoninë dhe të sjellim një epokë të re të begatisë ekologjike. Për të arritur misionin tonë dhe për të siguruar pajisjet dhe ekspertizën e nevojshme, ne synojmë të mbledhim 40,000 EUR përmes kësaj platforme për mbledhjen e fondeve. Çdo kontribut ka rëndësi në misionin tonë për të mbrojtur pyjet dhe për të ruajtur pastërtinë e ajrit tonë.

Buxheti:

DJI AGRAS T30 Agricultural Spraying Drone —–  25,000 €
Seed Sower —-  3,000  €
Seed Computer —-  4,000  €
Administrative Cost —-   4,000 €
10% Creditcard-, banktransfer- and KOSOVA ideas Platform Fees —-  4,000 €

Vepro sot — për hir të pyjeve tona të çmuara, mirëqenies së komuniteteve tona dhe shpirtit të përjetshëm të Kosovës. Le të rivendosim natyrën tonë së bashku!