KAMPANJA

Çfarë kemi ne si qëllim?

Gjakova njihet si qytet që ka ngjyrim kulturor dhe vetëdijësim për rëndësinë e muzikës dhe artit. Pavarësisht kësaj, kemi pak aktivitete që trajtojnë edukimin mbi muzikën-artin dhe shkollimin jo-formal, gjithashtu që ofrohet një hapësirë për fëmijët autik dhe minoritetet.

Duke marrur parasysh që një numër mjaft i limituar arrijnë të pranohen në shkollën egzistuese të muzikës, një hapësirë e tillë si MusicLab do të jetë nismë pionere dhe përmbushëse që do t’u dhurojë mundësi fëmijëve dhe rinisë-adult për të zgjeruar aktivitetin e tyre muzikor dhe të artit si dhe zbulimin e talenteve. Eshtë vërtetuar se mësimet e strukturuara të muzikës, rrisin ndjeshëm aftësitë njohëse të fëmijëve, për të kapërcyer frenimin, për planifikimin dhe inteligjencën verbale dhe rrjedhimisht arritjen e tyre akademike.

Për të vazhduar më tej, paraqitjet e problemeve siç janë: hiperaktiviteti, autismi, etniciteti diskriminimi tek fëmijët e moshave 5-12 vjeç është në rritje çdo vitë. MusicLab do t’i adresojë këto çështje me atmosferën e saj të hapur, të ngrohtë dhe komode por edhe nga aktivitete tjera të bëra për grupe specifike.

Kjo hapësirë do të jetë shtëpi për çdo fëmijë, të rinjë, të rritur dhe të moshuar pa dallim etniciteti. Pjesë e këtij projekti do të jenë të gjithë ata që pëlqejnë muzikën-artin dhe poashtu për ata që dëshirojnë të bëjnë pregaditje profesionale parapregaditje për studime. Çka tjetër e plotëson këtë hapësirë është që do të shërbejë gjithashtu për moshat e rritura dhe adult. Për këto mosha është menduar që të krijohet një kor ku me këtë kor do të jenë të angazhuara në aktivitete të ndryshme gjatë tërë vitit.

MusicLab do të ofrojë kurse individuale dhe grupore në muzikën klasike, jazz dhe moderne si në: solokëndim, piano, saksofon, klarinet, solfexho, kitarë. Poashtu do të krijohet klasa e artit/pikturës ku përmes metodave që ne do të përdorim fëmijët do të krijojnë art me muzikë.

Hapësira jonë do të ketë edhe punëtori ku do të ketë të ftuar artistë që do të shpalosin eksperiencat e tyre për të gjithë ata që do të jenë pjesë e këtij laboratori. Kjo hapësirë do të ofrojë dhe regjistrime/rekordime të muzikës (Këngë/Albume) si dhe organizmin e koncerteve/eventeve. Në MusicLab, të gjithë, nga fëmijët deri në të moshuarit, gjithashtu do të njihen me anën dixhitale dhe softuerike të muzikës dhe të mësojnë të krijojnë tinguj dhe muzikë elektronike.

Kush jemi ne?

Ekipi i Themeluesve dhe Mësuesit në MusicLab

Edonjeta Hajdari – Solokëngtare e Diplomuar në Akademinë e Arteve, Tiranë. Udhëheqëse e Korit “Lyra”. Pjesëmarrjet e saj: Musicali i parë Kosovar “Arjeta dhe Gëzimi” roli kryesor. Çmimet “Lirika Italiane”, “çmimi i dytë, në festivalin “Jorgjije Truja”. Pjesëmarrëse në Koncerte dhe Masterklasë brenda dhe jashtë vendit si në: Kosovë, Shqipëri, Zvicër, Francë dhe Gjermani.

Artil Qarkagjija – Përfundoi Akademinë e Arteve në drejtimin e Skenografisë në Universitetin e Prishinës. Mirret me pikturë ku ka marrë pjesë në shumë ekspozita kolektive brenda dhe jashtë vendit si dhe ka dy ekspozita personale. Gjithashtu nga viti 2001 është producer dhe dj i muzikës elektronike. Sot është i punësuar në Comodita Home si Dizajner Grafik.

Artistë tjerë të kualifikuar me aftësi plotësuese do t’i bashkohen ekipit të themeluesve pasi të realizohet MusicLab. Ekipi do të ofrojë përvojën/eksperiencën e tyre për të shërbyer tek fëmijët, të rinjët dhe të rriturit e qytetit të Gjakovës. Metodat moderne të mentorimit do të ndikojnë në socializimin, zhvillimin e aftësive kognitive dhe pregaditjeve profesionale për fëmijë, të rinjë dhe adult/senior.

Çfarë kemi nevojë?

MusicLab do të ndahet në dy hapësira ku do të shërbejë për pjesën e studios që do të bëhen regjistrimet e këngëve dhe albumeve dhe pjesa tjetër do të jetë klasa ku do të mbahen kurset individuale dhe grupore për orët e muzikës dhe artit.

Për këtë hapësirë na nevojiten instrumentet muzikore, partitura /literaturë, orendit për klasën, paisjet elementare për ndërtimin dhe renovimin e studios si dhe materialet që do të shërbejnë për orën e artit.

Si do të ndihmojë përkrahja juaj? 

Gjithsej € 5 000,00