KAMPANJA

Kush jemi ne?

Organizata Instituti Kosovar për Logopedi është themeluar ne vitin 2018 dhe ka për mision promovimin e shërbimeve logopedike në ambientet arsimore të Kosovës, duke synuar të sigurojë që çdo fëmijë të ketë qasje në trajtimin dhe ndihmën e nevojshme për zhvillimin e aftësive komunikuese. Organizata udhëhiqet nga logopede znj. Ardita Uka-Rexha. Ne besojmë se çdo fëmijë ka të drejtën për një arsimim cilësor dhe mbështetje të specializuar për të arritur potencialin e tyre të plotë. Instituti Kosovar për Logopedi numëron 30+ projekte, 258+ vullnetarë dhe aktualisht projektet kryesore janë vendosja e tabelave te komunikimit në parqe në Kosovë dhe ofrimin e shërbimeve logopedike falas në shkolla të rregullta.

Cili është qëllimi ynë?

Qëllimi ynë është të mbledhim një fond prej 4,400 EUR për të vazhduar dhe për të zgjeruar shërbimet tona logopedike në komunitetin tonë. Fondet e mbledhura do të përdoren për të siguruar trajnimin e stafit tonë, përmirësimin e kabineteve tona logopedike dhe për të siguruar materiale të nevojshme për vlerësimin dhe trajtimin e fëmijëve.

Çfarë na duhet?

Për të arritur qëllimin tonë, ne kërkojmë mbështetjen tuaj në formë financiare për të siguruar që shërbimet tona logopedike të jenë të qasshme për të gjithë fëmijët me vështirësi ne artikulim. Ndihma juaj do të ndihmojë në ndërtimin e një mjedisi të përkushtuar për zhvillimin e aftësive komunikuese të fëmijëve tanë dhe në rritjen e ndërgjegjësimit për rëndësinë e logopedisë në arsimimin e tyre.

Ju lutemi bashkohuni me ne në këtë mision të rëndësishëm për të ndihmuar fëmijët tanë të komunikojnë dhe për të ndihmuar në formimin e një shoqërie më të ndërgjegjshme për nevojat e tyre.

Faleminderit për mbështetjen tuaj të pafund!

Buxheti për Projektin

Materiale vlerësimi specifike nga Turn & Talk® (superduperinc.com) 1,500 €

Materiale logopedike 2,000 €

Transporti i vullnetarve 500 €

Tarifa 10% KOSOVAideas

Gjithsej 4,440 €

Ekipi përgjegjës i kampanjës

Ardita Uka-Rexha      Charlotte Hilker     Albina Kelmendi           Ardea Cakmaku                 Marigona Kozmaqi