KAMPANJA

“Çiklizmi rreth Kosovës për Fëmijët” është një aktivitet për mbledhjen e fondeve, që ka filluar në vitin 2014, në bashkëpunim me Aksionin për Nëna dhe Fëmijë – ANF. Që atëherë, një grup prej 40 – 50 çiklistëve kanë marrë pjesë në turneun vjetor të çiklizmit rreth Kosovës, duke kaluar nëpër qytete më të mëdha në vend, duke përfshirë 500 km çiklizëm dhe 6.000 metra ngjitje. Turneu vazhdoi në vitin 2015 dhe 2016, me të njëjtin qëllim, përkatësisht ngritjen e fondeve për repartin e maternitetit në spitalin e universitetit të Prishtinës. Çdo vit, aktiviteti ishte në gjendje që të mbledh në mes të 10 dhe 14 mijë eurove, nëpërmjet sponsorizimit të korporatave, donacioneve individuale, dhe ngjarjeve në fund të aktiviteve të organizuara në Prishtinë. Paratë janë përdorur për blerjen e një analizatori hematologjik, llamba UV për inkubatorët e fëmijës, si dhe monitorët kardiopulmonar, të cilat u janë dhuruar njësisë së maternitetit në Prishtinë.

Duke u bazuar në suksesin e viteve 2014-2016, ne jemi duke organizuar një ngjarje tjetër bamirësie.

Ne shpresojmë të mbledhim fonde për Aksionin për Nëna dhe Fëmijë, që këtë vit do të japë një pajisje të CRP / CBC në njësinë e kujdesit intensiv neonatologjikë në Pejë. Për ta thënë më thjesht, kjo pajisje është e domosdoshme për të matur shkallën e infeksioneve të gjakut tek foshnjat, duke i lejuar për terapi më të shpejtë me antibiotike, kohëzgjatjen e duhur të antibiotikëve, dhe trajtimin duke marrë mostrën e gjakut të foshnjës direkt në inkubator. Është shumë efikas; rezultatet janë gati në 4 minuta, pas një marrje të një doze të vetme të gjakut. Përdorimi i këtyre pajisjeve pritet të përmirësojë efikasitetin e kujdesit të ofruar për të sapolindurit tanë në Pejë.

Sfida për këtë vit do të jetë çiklimi rreth Kosovës në tre ditë duke kaluar nëpër shumë qytete të mëdha. Distanca e përgjithshme do të jetë mbi 300 milje (500 km) me 5000 metra ngjitje duke filluar nga Prishtina, përmes:

 Dita 1 (2 Qershor): Prishtinë-Gjilan-Ferizaj-Prevallë-Prizren-Gjakovë

 Dita 2 (3 Qershor): Gjakovë-Valbonë (Shqiperi)-Junik-Pejë

 Dita 3 (4 Qershor): Pejë-Mitrovicë-Bajgore-Podujevë-Prishtinë.

Qëllimi ynë është të ngrisim të paktën 8.000 Euro përmes kombinimit të donacioneve direkte,sponsorizimeve nga ndërmarrje të nivelit të ulët, dhe një feste në fund të aktivitetit.

Nga KosovoIdeas, me ndihmën e të gjithë njerëzve zemërmirë për të na ndihmuar të ngrisim një pjesë të qëllimit tonë, një fond prej 2,000 Euro që të jemi në gjendje të blejmë analizuesin CRP për spitalin e Pejës.